Back

ⓘ ஆ. கந்தையா ஈழத்துத் தமிழறிஞரும் எழுத்தாளரும் ஆவார். கட்டுரை, விமரிசனம், மொழிபெயர்ப்பு ஆகிய துறைகளில் ஈடுபட்டவர். யாழ்ப்பாணத்தைப் பிறப்பிடமாகக் கொண்ட இவர் புலம் ..




ஆ. கந்தையா
                                     

ⓘ ஆ. கந்தையா

ஆ. கந்தையா ஈழத்துத் தமிழறிஞரும் எழுத்தாளரும் ஆவார். கட்டுரை, விமரிசனம், மொழிபெயர்ப்பு ஆகிய துறைகளில் ஈடுபட்டவர். யாழ்ப்பாணத்தைப் பிறப்பிடமாகக் கொண்ட இவர் புலம் பெயர்ந்து ஆஸ்திரேலியாவின் சிட்னி நகரில் வசித்து வந்தவர்.

                                     

1. வாழ்க்கைக் குறிப்பு

கந்தையா யாழ்ப்பாணத்தில் தென்மராட்சிப் பிரிவில், சாவகச்சேரி பிரதேச செயலாளர் பிரிவில் உள்ள மறவன்புலவு என்ற ஊரில் ஆறுமுகம், சிவகாமி ஆகியோருக்குப் பிறந்தார். தனது ஆரம்பக் கல்வியை மறவன்புலவு சகலகலாவல்லி வித்தியாசாலையிலும், நுணாவில் மகாலக்சுமி வித்தியாசாலையிலும் உயர்கல்வியை யாழ்ப்பாணம் இந்துக் கல்லூரியிலும் 1948-49 பயின்றார். பள்ளிப் படிப்பின் பின்னர் பலாலி ஆசிரியர் பயிற்சிக் கல்லூரியில் இணைந்து பயிற்சி பெற்ற ஆசிரியராக வெளியேறினார். 1953 முதல் 1955 வரை கொழும்பு இந்துக் கல்லூரியில் ஆரம்பப் பள்ளி ஆசிரியராகப் பணியாற்றினார்.

1956 இல் சென்னை சென்று பச்சையப்பன் கல்லூரியில் முனைவர் மு. வரதராசன் போன்றோரின் வழிகாட்டலில் தமிழ்த் துறையில் பட்டம் பெற்றார். வரதராசனாரின் நெறியில் தந்தையின் பரிசு என்னும் நூலை எழுதியிருக்கிறார். இலண்டன் பல்கலைக்கழகத்தில் பக்தி இலக்கியம் பற்றி ஆய்வு மேற்கொண்டு கலாநிதிப் பட்டம் பெற்றார். கொழும்பு திறந்த பல்கலைக்கழகத்தில் துணைவேந்தராக கடமையாற்றினார். இலண்டன் பல்கலைக்கழகத் தமிழ்த்துறையிலும், இலங்கைத் திறந்த பல்கலைக்கழகத்திலும் சிட்னிப் பல்கலைக்கழகத்திலும் தமிழை இரண்டாம் மொழியாகக் கற்பித்தார்.

1978-80ஆம் ஆண்டுகளில் இலங்கை களனிப் பல்கலைக்கழகத்தில் தமிழ்த்துறைத் தலைவராகப் பணியாற்றினார். 1984-85ஆம் ஆண்டுகளில் பிரித்தானியத் திறந்த பல்கலைக்கழகத்தில் தொலைக்கல்வி பயின்றவர். இலங்கைக் கல்விச் சேவை ஆணைக்குழுவின் உறுப்பினராக எட்டு ஆண்டுகள் பணியாற்றினார்.

தமிழ், ஆங்கிலம் ஆகிய மொழிகளில் இதுவரை 45 நூல்களை எழுதியிருக்கிறார். வேங்கடேஸ்வரா பல்கலைக்கழகத்தின் முதனிலை வகுப்புகளுக்குப் பாடநூலாக இவரின் "மலரும் மணமும்" நூல் அமைந்தது.

மேலைத்தேய ஆங்கில இலக்கிய கர்த்தாக்களையும் அவர்களது படைப்புகளையும் தமிழில் அறிமுகப்படுத்தியவர். அவுஸ்திரேலியாவுக்குப் புலம் பெயர்ந்த பின்பும் தமிழ், ஆங்கில மொழிகளில் எழுதியவர்.

மொழிபெயர்ப்புத் துறையில் ஈடுபட்டுள்ள இவர் அவுஸ்திரேலிய சிறப்பு ஒலிபரப்புச் சேவைக்காக கமலஹாசன் நடித்த நாயகன் திரைப்படத்துக்கு ஆங்கில உபதலைப்புகளை எழுதினார்.

                                     

2. விருதுகள்

  • சமய நூல்கள் எழுதியமையால் மதுரை ஆதீனத்தால் சிவநெறித் தொண்டன் 1965 எனும் பட்டம் பெற்றவர்.
  • 1996ஆம் ஆண்டு தமிழுக்கும் தமிழ் இலக்கியத்துக்கும் ஆற்றிய பணிகளுக்காக இலங்கை அரசின் கலாகீர்த்தி விருதைப் பெற்றவர்.
                                     

3.1. வெளிவந்த நூல்கள் புலம் பெயர முன்னர் எழுதியவை

  • தந்தையின் பரிசு
  • செவ்வேள்
  • சீராக்கம் வேண்டாமா?
  • தொலைக் கல்வி
  • இந்து சமயம் 13 பதிப்புகள்
  • இலக்கிய வளம்
  • திருக்கேதீஸ்வரம்
  • உள்ளத்தனையது உயர்வு
  • ஒற்றுமையும் ஒப்புமையும்
  • சிந்தனை வளம்
  • மலரும் மணமும்
  • கற்பனை வளம்
  • தொலைக் கற்பித்தல்
  • ஞானச்சுடர்
  • Muruka Worship and the Concept of Bhakti
  • Cult and Worship of Murukan
  • Mystic Love
                                     

3.2. வெளிவந்த நூல்கள் புலம் பெயர்ந்த பின்னர் எழுதிவை

  • மார்கழி மங்கையர் 1995
  • ஆஸ்திரேலியாவில் தமிழ் மொழி கற்பித்தல்
  • தமிழ் நூல் பட்டியல் மாநில நூலகம்
  • Teaching Tamil in Australia
  • கங்காரு நாட்டில் கன்னித் தமிழ் 2000
  • Tirukkural, Selected couplets
  • Hindu Temples in Australia
  • மழலை அமுதம் சிறுவர் பாடல் தொகுப்பு, 1995
  • Murukan, God of Tamils
  • Tamils in Australia - A brief Survey 1998
  • ஆஸ்திரேலியாவில் ஆடற்கலையும் பாடற்கலையும் 2005
  • A Selected Glossary for Australian Tamils
  • Gleanings from Tirukkural for a Multicultural Society
  • கங்காரு நாட்டில் தமிழரும் தமிழும் 2004
  • Quest for Tamil Identity
  • Tamil Community in Australia
  • Mistic Love in the Thevaram
  • வால் நீண்டது எப்படி? சிறுவர் இலக்கியம், 1999
  • கங்காரு தாவித் தாவி ஓடுவதேன்? சிறுவர் இலக்கியம், 1999
  • Tamil without a Teacher - Book I
  • ஆஸ்திரேலியாவில் இந்துக் கோயில்கள்
  • Tamil Literature - A brief survey
  • இலங்கைத் தமிழ் அகதிகள் - கைந்நூல் 1998
  • Tamil without Teacher - Book II
  • Tamils in Australia - An updated survey
  • தமிழ் இலக்கியம் - Tamil Literature 1996
  • தமிழ்நூல் பட்டியல் 1996
  • பரதநாட்டிய முத்திரைகள் 1990